İran kriptovalyuta hasilatında dünyanın ilk yeddi ölkəsi sırasındadır

İranın Elektrik İstehsalı və Paylayıcı Şirkəti nəzdindəki kriptovalyuta enerji mərkəzinin rəhbəri Məhəmməd Xudadadi Bəhlul ölkədəki rəqəmsal pul hasilatı ilə bağlı maraqlı açıqlama verib.

“Haber Global”ın məlumatına görə, o, İranın kriptovalyuta hasilatının həcminə görə Çin, Rusiya, ABŞ, Qazaxıstan, Kanada ve İslandiya ilə birlikdə dünyanın ilk yeddi ölkəsi sırasında yer aldığını bəyan edib.

Şirkət rəsmisi bu nailiyyəti İranda elektrik enerjisi tariflərinin aşağı olması ilə əlaqələndirib.

Bəhlul qeyd edib ki, hazırda bir bitkoinin hasil olunması üçün sərf edilən elektrik enerjisi 35 min mənzilin işıqlandırılması üçün kifayət edir.

Məhz elektrik enerjisi çatışmazlığı səbəbindən mayın 26-dan sentyabrın 22-dək İranda kriptovalyuta hasilatı qadağan olunub.

Əvvəlki məqaləAzərbaycan vətəndaşlarının Almaniyaya səyahətinə icazə verilib
Növbəti məqalədəMüstəqil jurnalistlər “Media Haqqında” Qanun layihəsinin məzmununun açıqlanmasını tələb edir!