Telefonları dinləyən şirkətlə bağlı xüsusi komissiya yaradıldı

İsrail hökuməti bu ölkənin kiber təhlükəsizlik üzrə ixtisaslaşmış “NSO” şirkətinin fəaliyyəti ilə bağlı xüsusi komissiya yaradıb.

“İsrael İnfo” xəbər verir ki, komissiyanın yaradılmasına səbəb “NSO” şirkətinin yaratmış olduğu “Pegasus” casus proqramı ətrafında yaranmış beynəlxalq qalmaqaldır.

Şirkətin artıq uzun illərdir ki, müxalif jurnalist və siyasətçilərin izlənməsi üçün öz proqramlarını müxtəlif ölkələrin rəhbərlərinə satdığı məlumdur.

“OCCRP” beynəlxalq jurnalist təşkilatı “NSO Group” tərəfindən yaradılmış “Pegasus” casus proqramı vasitəsilə dünya üzrə siyasətçilərin, jurnalistlərin və aktivistlərin telefon danışıqlarının dinlənildiyi barədə qalmaqallı bəyanat yayıb.

Təşkilatın dünyanın aparıcı KİV orqanları ilə birgə həyata keçirdiyi araşdırmaya əsasən, kəşfiyyat xidmətlərinə, hüquq-mühafizə orqanlarına və hərbi qurumlara “Pegasus” casus proqramına girişi 2016-cı ildən təmin edib.

Bildirilir ki, proqram 50-yə yaxın ölkədə 50 mindən çox cihaza, Azərbaycanda isə mindən çox telefona yüklənib. Hədəf alınan telefon nömrələri əsas olaraq Azərbaycan, Qazaxıstan, Meksika, Macarıstan, Hindistan və BƏƏ-dən olub.

Bununla yanaşı, telefonu dinlənilən şəxslər arasında Fransa Prezidenti Emmanuel Makron da var.

Əvvəlki məqalə“Clubhouse”a dəvət tələbi aradan qaldırılıb
Növbəti məqalədəXüsusi karantin rejiminin müddəti sentyabrın 1-dək uzadıldı