Mişel Barnye Fransada prezidentliyə namizəd olmaq niyyətini açıqlayıb

Fransada sağçı “Respublikaçılar” partiyasının nümayəndəsi Mişel Barnye prezidentliyə namizəd olmaq niyyətindədir.

Barnye bu açıqlamanı “TF1 TV” və “Le Figaro” qəzetinə müsahibəsində verib.

Qeyd edək ki, Barnye ilk növbədə sağ mərkəzçi namizəd olaraq ilkin seçkidə qalib gəlməlidir.

“Mən namizəd olacağam, fransızlara və Fransaya hörmət edəcək bir prezident olmaq istəyirəm. Təhlükəli və qeyri-sabit bir dünyada yaşayırıq. Ölkəmiz zəifləyib, insanları barışdırmaq, onları birləşdirmək üçün alternativ bir yanaşma tətbiq edilməlidir”, – siyasətçi bildirib.

Barnye qeyd edib ki, Avropa İttifaqında çox şeyi dəyişdirmək lazımdır, çünki quruma daxil olan ölkələrin rəhbərliyi tərəfindən edilən səhvlər əhalinin cəmiyyətdən təcrid olmasına, bəzən qəzəb və narazılığa səbəb olur.

Əvvəlki məqaləBir qrup fəal qadın qətllərinə etiraz olaraq Bakının mərkəzində stikerlər yapışdırıb
Növbəti məqalədə“Qarabağ” ardıcıl 8-ci dəfə avrokubokların qrup mərhələsinə yüksəlib