Avropa Parlamenti Avropa Komissiyasını Avropa Ədalət Məhkəməsinə verib

Avropa Parlamenti Avropa Komissiyasını qanunun aliliyi mexanizmini düzgün tətbiq etmədiyinə görə məhkəməyə verib.

Məsələni Avropa Ədalət Məhkəməsinə daşıyan Avropa Parlamentindən verilən açıqlamada Parlamentin sədri David Sassolinin tələbi ilə Parlamentin hüquq xidmətinin Komissiyanı “Şərtilik razılaşması”na riayət edilməməsi iddiası ilə məhkəməyə verdiyi bildirilib.

Ötən ilin dekabrında qəbul edilmiş “Şərtilik razılaşması” Aİ-yə qanunun aliliyinin təhdid edildiyi üzv dövlətlərə Aİ büdcəsindən ödənişləri dayandırmaq imkanı verirdi. Ancaq Komissiya indiyədək bundan istifadə etməkdən yayınıb.

Hüquqi prosedurun başladılması Brüsseldə Komissiyaya təzyiq etmək üçün bir vasitə kimi qəbul edilib.

“Von der Leyen sözlərini yerinə yetirməlidir”

Prezident Sassoli deyib:

“Parlamentin qərarlarında tələb olunduğu kimi, hüquq xidmətimiz bu gün “Şərtilik Razılaşması”nı tətbiq etmədiyinə görə Avropa Komissiyasını Ədalət Məhkəməsinə məhkəməyə verib”.

“Avropa Komissiyasının ardıcıl hərəkət etməsini və prezident Ursula Von der Leyenin bu məsələ ilə bağlı son plenar iclasımızda dediklərini reallaşdırmasını gözləyirik. Sözlər əmələ çevrilməlidir”.

Əvvəlki məqaləNeftçala rayon İcra Hakimiyyətinin keçmiş başçısı 10 il həbsə məhkum edilib
Növbəti məqalədə2012-ci ildə Saakaşvilinin məğlubiyyətinə nə səbəb oldu? – Beka Kobaxidze