Azərbaycanda dini sahəyə nəzarətin gücləndirilməsi təklif edilir

“Azərbaycanın şanlı qələbəsi bəzilərini narahat edir. Azərbaycan güclü dövlətdir və heç kim bizi haqq yolundan çəkindirə bilməz. Ancaq burada din amilindən istifadə edilir”.

Bunu Milli Məclisin deputatı Ceyhun Məmmədov parlamentin bu gün keçirilən plenar iclasında cari məsələlərin müzakirəsi zamanı deyib.

Onun sözlərinə görə, bəzi dairələr Azərbaycanın dövlət adamlarını sionizmin xidmətçiləri kimi təqdim edirlər: “Hesab edirəm ki, dini sahə ilə bağlı məsələlərə nəzarət daha da gücləndirilməlidir”.

Son günlər İran Azərbaycan arasında siyasi gərginlik artıb. Ölkə əhalisinin bir qisminin İranın dini hakimiyyətinə simpasiyası isə birmənalı qarşılanmayıb. İnsanların bir qismi hesab edir ki, bu, İranın illərlə Azərbaycanda apardığı dini-ideoloji təbliğatın nəticəsidir.

Bundan əvvəl də bəzi parlament nümayəndələri bu istiqamətdə ciddi addımların atılmasının vacib olduğunu bildirmişdilər.

Əvvəlki məqaləAlmaniya Oxçuçayla bağlı Azərbaycan və Ermənistan arasında görüş təşkil etmək istəyir
Növbəti məqalədəAzərbaycanla Serbiya arasında viza rejimi ləğv edilib