Azərbaycana daha 99000 doza “Pfizer- Biontech” vaksini gətirilib

Azərbaycana bu günədək 319 410 doza “Pfizer- Biontech” vaksin dərman vasitəsi gətirilib.

Bu barədə APA-nın sorğusuna cavab olaraq İcbari Tibbi Sığorta üzrə Dövlət Agentliyindən bildiirlib. Qeyd olunub ki, əlavə olaraq ötən həftə 99000 doza vaksin ölkəyə çatdırılıb.

Əlavə edilib ki, hazırda 162 450 doza “Pfizer- Biontech” vaksini anbarda ehtiyatda var. Əlavə olaraq tibb müəssisələrində hazırda istifadə edilən vaksin dozaları mövcuddur.

ÜST Avropa Dərman Agentliyi, ABŞ Qida və Dərman Administrasiyasının rəylərini nəzərə alaraq COVID-19 əleyhinə vaksinasiyada “Pfizer/Biontech” preparatından istifadə edən ölkələrə vaksinin istifadə müddətinin uzadılması ilə bağlı məktub göndərib. Məktuba əsasən, “Pfizer/Biontech” preparatının istifadə müddəti 6 aydan 9 aya qədər uzadılıb. Bununla əlaqədar olaraq hazırda ölkədə istifadə olunan “Pfizer-Biontech” vaksininin istifadə müddəti 31 dekabr 2021-ci il tarixinədək uzadılıb.

Əvvəlki məqaləAvropa İnsan Haqları Məhkəməsi bloklanan saytların şikayətlərini araşdırır
Növbəti məqalədəAMEA-nın baş hüquqşünası “Tərtər işi” haqqında məqalənin müəllifini məhkəməyə verib