BMT: Ərzaq qiymətləri artmaqda davam edir

BMT-nin Ərzaq və Kənd Təsərrüfatı Təşkilatının (FAO) beynəlxalq qiymətləri izləyən Ərzaq Qiymətləri İndeksi oktyabr ayında ərzağın qiymətinin sentyabr ayı ilə müqayisədə 3% artdığını bildirib.

Ərzaq və Kənd Təsərrüfatı Təşkilatının indeksinə görə, oktyabr ayında taxılın qiyməti əvvəlki ayla müqayisədə 3,2%, Kanada, Rusiya və ABŞ da daxil olmaqla, əsas buğda ixracatçılarının məhsullarının azalması səbəbindən buğdanın qiyməti 5% artıb. Təşkilat digər əsas dənli bitkilərin beynəlxalq qiymətlərinin də artdığını qeyd edib.

BMT agentliyi bitki yağılarının qiymətinin oktyabr ayında 9,6% artaraq, rekord həddə çatdığını və ardıcıl dördüncü aydır ki, qiymətlərdə artımın davam etdiyini bildirib.

Ərzaq və Kənd Təsərrüfatı Təşkilatının bildirdiyinə görə, bitki yağlarının qiymətinin artmasına səbəb “miqrant işçi qüvvəsi çatışmazlığı səbəbindən Malayziyada məhsulun az istehsal olunmasıdır”.

Süd məhsullarının qiymətləri 2,5% artdığı halda, ətin qiyməti 0,7% düşüb ki, bu da üçüncü aydır davam edir.

Əvvəlki məqalə“Nə müharibə, nə sülh” qeyri-müəyyənliyinə qayıdış – Arpi Bekaryan
Növbəti məqalədəMəhkəmə AXCP fəalının işgəncələrlə bağlı şikayətini təmin etməyib