Azərbaycanda bayram münasibətilə 47 min aztəminatlı ailəyə 100 manat birdəfəlik yardım veriləcək

“Azərbaycanda 47 min aztəminatlı ailənin hər birinə bayram münasibətilə birdəfəlik 100 manat məbləğində yardım göstəriləcək”.

Bunu əmək və əhalinin sosial müdafiəsi nazirinin müavini Anar Kərimov brifinqdə deyib.

Onun sözlərinə görə, növbəti illərdə həssas təbəqəyə aid olan şəxslərin vəziyyəti diqqət mərkəzində olacaq: “Bu istiqamətdə vacib addımlar atılacaq. Gələn ilin dövlət büdcəsindən 1,5 milyard manat sosialyönümlü yardımlara xərclənəcək”.

Nazir müavini əlavə edib ki, əmək pensiyalarının minimum məbləği də artırılıb: “Bu da 65 min şəxsi əhatə edəcək”.

Əvvəlki məqaləHökumət toyuq ətinin qiymətini qorumaq istəyir
Növbəti məqalədəKəmaləddin Heydərov yenidən Azərbaycan Taekvondo Federasiyasının prezidenti olub