DİN: “Bakıda xanım sərnişini qısnayan taksi sürücüsü saxlanılıb”

Bakıda xanım sərnişin taksidə qısnamaya məruz qalıb.

Bu barədə görüntülər sosial şəbəkələrdə yayılıb.

Belə ki, taksi sürücüsü qadına çay içmək təklifi edib. Qadın da həmin şəxsə rədd cavabı verib. Lakin sürücü yenə də sərnişinə təkliflərini davam etdirib.

Daxili İşlər Nazirliyinin Mətbuat Xidmətinin şöbə rəisi, polis mayoru Elşad Hacıyev bildirib ki, görüntülər araşdırılıb.

O qeyd edib ki, həmin taksi sürücüsü müəyyən edilərək saxlanılıb: “Onun barəsində qanunvericiliyə uyğun olaraq, müvafiq tədbirlərin görülməsi təmin edilib”.

“Taksi sürücülərinin bu və ya digər neqativ halları ilə bağlı mətbuata geniş məlumat veriləcək”, – o vurğulayıb.

Əvvəlki məqaləMoskvada baş nazir müavinlərinin üçtərəfli görüşü nəticəsiz yekunlaşıb
Növbəti məqalədəAvropa Şurası Nazirlər Komitəsi Türkiyəyə Osman Kavalanın buraxılması üçün 19 yanvara qədər vaxt verib