“Azersun Sənaye Parkı”ndakı yanğında 9 nəfər xəsarət alıb

Aprelin 28-də “Azersun Sənaye Parkı”nda baş verən yanğında xəsarət almış 9 nəfər Sumqayıt şəhər Təcili Tibbi Yardım Xəstəxanasına aparılıb.

Bu barədə TƏBİB açıqlama yayıb. Məlumata görə, 7 nəfərə ilkin tibbi yardım göstərilərək, ambulator müalicə üçün buraxılıb, hazırda 2 nəfər xəstəxanadadır.

Bildirilir ki, hazırda 2 nəfər tüstüdən yüngül zəhərlənmə diaqnozu ilə müşahidə altındadır. Həyatları üçün heç bir təhlükə yoxdur.

“Yanğın hadisəsinin ilk baş vermə anından etibarən, Təcili və Təxirəsalınmaz Tibbi Yardım Stansiyasının briqadaları cəlb olunub”, – məlumatda qeyd olunub.

Əvvəlki məqaləAzərbaycanın Kiyevdəki səfirliyi fəaliyyətini bərpa edib
Növbəti məqalədəİlham Əliyev: “Artıq sülh sazişini imzalamağın vaxtı gəlib”