“Time” jurnalı Zelenskini ilin ən nüfuzlu adamı elan edib

Amerikanın “Time” jurnalı Ukrayna Prezidenti Volodimir Zelenskini ilin ən nüfuzlu adamı elan edib.

“Ukrayna Prezidenti Volodimir Zelenski “Time” oxucularının reytinqində birinci yerdə qərarlaşıb. V.Zelenski 3,3 milyon səs toplayaraq birinci yeri tutub ki, bu da ümumi səsin 5 faizi təşkil edir”, – deyə nəşr yazıb.

Jurnalın oxucularının reytinqində ikinci yeri 3,5 faiz səs toplayan “SpaceX” və “Tesla” şirkətlərinin rəhbəri İlon Mask tutub.

“Time” xatırladır ki, İ.Mask 2021-ci ilin adamı seçilmişdi.

Reytinqdə üçüncü yerdə Böyük Britaniyanın Baş naziri Boris Conson, dördüncü yerdə isə tibb işçiləri qərarlaşıb. İlk beşliyi ABŞ Prezidenti Co Bayden qapayır.

MƏNBƏMeydanTV
Əvvəlki məqalə“Yerevanla Bakı təklifləri birləşdirməli və danışıqlara başlamalıdır”
Növbəti məqalədəAlmaniyanın keçmiş kansleri Gerhard Şröder Bundestaqdakı ofisindən məhrum edilib