ABŞ Səfirliyində həbsdə olan VİP sədrinin müavini ilə görüş keçirilib

Vətəndaş və İnkişaf Partiyası (VİP) sədrinin 1-ci müavini Cahan Əliyeva Amerika Birləşmiş Ştatlarının (ABŞ) Azərbaycandakı Səfirliyinin siyasi məsələlər üzrə müşaviri Ceremi Brenner ilə görüşüb. Bu barədə VİP-in yaydığı məlumatda deyilir.

ABŞ Səfirliyində baş tutan görüşdə əsas diqqət VİP sədri Əli Əliyevin qondarma ittihamlar əsasında Yasamal Rayon Məhkəməsi tərəfindən 2022-ci il yanvarın 13-də 5 ay, 2022-ci il aprelin 15-də 1 ay və 2022-ci il iyunun 7-də 6 ay müddətinə qanunsuz olaraq azadlıqdan məhrum edilməsinə və VİP-in partiya sədrinin azadlığa buraxılması üçün hüquq müstəvisində apardığı mübarizəyə yönəlib.

Cahan Əliyeva VİP sədrinə və partiyaya qarşı təzyiqlərin Əli Əliyevin həbsindən xeyli əvvəl başladığı, onun qatıldığı prezident və parlament seçkilərində hüquqlarının kobud şəkildə pozulduğu, Azərbaycan hökumətinin 2015-ci il parlament seçkilərindən sonra şikayət ünvanlanan Avropa İnsan Haqları Məhkəməsinin Əli Əliyevin lehinə çıxardığı qərarı hələ də yerinə yetirmədiyi barədə ABŞ diplomatını məlumatlandırıb.

Görüşdə qeyd olunan mövzular ətrafında geniş fikir mübadiləsi aparıldığı bildirilir.

MƏNBƏTuran
Əvvəlki məqaləRusiya Baydenin həyat yoldaşı və qızına qarşı sanksiyalar tətbiq edib
Növbəti məqalədə“Azərbaycan Dəmir Yolları” özəl şirkətlərin fəaliyyətinə əngəl yaradıb