2017-ci ilin birinci rübündə Azərbaycanda nəqliyyat sektoru ilə 49,6 milyon ton yük daşınıb. Bu 2016-cı ilin analoji dövrü ilə müqayisədə 2,9 faiz çoxdur.
Bu barədə Dövlət Statistika Komitəsinin hesabatına bildirilir.
Yanvar-mart aylarında daşınan yüklərin 77,3 faizi özəl sektorun payına düşür. Bütün yüklərin 58 faizi avtomobil nəqliyyatı ilə, 29,9 faizi boru kəməri, 8,1 faizi dəmir yolu, 3,9 faizi dəniz, 0,1 faizi isə hava nəqliyyatı ilə daşınıb.
Bu ilin ilk üç ayı ərzində 448,2 milyon nəfər sərnişin daşınıb. Bu isə ötənilki göstəricidən 2,5 faiz çoxdur. Sərnişin daşımalarının 87,4 faizi avtomobil nəqliyyatının, 12,4 faizi metropolitenin payına düşüb.
Hesabat dövründə dəmir yolu nəqliyyatı ilə 4 milyon ton yük daşınıb, bu ötən ilin ilk 3 ayı ilə müqayisədə 16,5 faiz çoxdur.
Dəniz nəqliyyatı ilə 1,92 milyon ton yük daşınıb. Bu, ötənilki göstəricidən 52,3 faiz çoxdur.
Eyni dövrdə avtomobil nəqliyyatı ilə 28,8 milyon ton yük daşınıb ki, bu da ötənilki göstəricini 2,3 faiz üstələyir.
2017-ci ilin birinci rübündə avtomobil nəqliyyatı ilə 391,8 milyon nəfər sərnişin daşınıb. Bu 2016-cı ilin eyni dövrü ilə müqayisədə 1,9 faiz çoxdur.
