Avropa İnsan Haqqları Məhkəməsində Ermənistandan olan hərbi əsirlərin hüquqlarını müdafiə edən erməni vəkil Siranuş Saakyan dünən Ermənistana qaytarılan əsir Maral Nacaryanla bağlı açıqlama verib.
O deyib ki, biz Azərbaycanda daha 3 nəfər mülki erməni qadının əsirlikdə olduğunu ehtimal edirik. Amma rəsmi Bakı bunu təsdiqləməyib.
Siranuş Saakyan, haqqında bəhs etdiyi qadınların ikisinin müharibə dövründə, birinin isə noyabrın 9-da üçtərəfli razılaşma əldə olunduqdan sonra əsir götürüldüyünü bildirib.
Vəkil ona yönləndirilən "Yaxın vaxtda yeni əsir qrupu Ermənistanda qaytarılacaqmı?" - sualına cavab verərkən deyib ki, hal-hazırda buna hər-hansı bir işarə yoxdur. Hələlik məhkəmə prosseslərinin nəticələrini gözləyirik.
Xatırladaq ki, Livandan olan erməni əsir Maral Nacaryan dünən Azərbaycan tərəfindən azad edilib və o dərhal Beyruta, öz evinə yollanıb.