İraqda insan haqları müdafiəçisi Əli Kərim qaçırılaraq qətlə yetirilib.
Onun cəsədi ölkənin Zubeyr rayonu ətrafından tapılıb.
İraq polisinin verdiyi məlumata görə, cəsədin üzərində güllə yaraları aşkar edilib. Bundan əvvəl, 2019-cu ildə onun qardaşı da bu şəkildə qətlə yetirilib.
Əli Kərimin aktivist olan anası da 2012-ci ildə silahlı bir qrup tərəfindən qaçırılmış, daha sonra sərbəst buraxılmışdı. O, Amerikaya işləməkdə ittiham edilirdi.
İraqda olan siyasi aktivistlər son olaraq 2018-ci ildən etibarən qaçırılmalara və qətllərə məruz qalırlar.